e.a.richter

sei schenste zeid woa da kriach
sogt a ollaweu fon de weiwa waas a
fost nix zom dazöön seine freind
san olle scho unta da ead

seine freind san scho olle
unta da ead med fümfasechzg joa
hod a zom rauka aufkead seit d groosmutta
gschdoam is lebt a unhamlech gean

jezt lebt a unhamlech gean
jetzt draad a aa eine und maunxmoe
aa duach jezt hood a r a aungst
um sei gsundheid und pflegt sein bauch

jezt pflegt a sein bauch
jezt kaaft a se loose fon da klassnlottarii
sofüü r a wüü jezt schaud a nua mea fean
und waas aa wos a rett und wos a wüü

(oktober 1972)

(Erschienen in: Jetzt bist aufgwocht, AV-Presse, Heidelberg, 1973)


(seine schönste zeit war der krieg
sagt er immer von den frauen kann er
fast nichts erzählen seine freunde
sind alle schon unter der erde

seine freunde sind alle schon
unter der erde mit fünfundsechzig jahren
hat er mit dem rauchen aufgehört seit die großmutter
tot ist lebt er unheimlich gern

jetzt lebt er unheimlich gern
jetzt gibt er an und manchmal dreht er
auch durch jetzt hat er angst
um seine gesundheit und pflegt seinen bauch

jetzt pflegt er seinen bauch
jetzt kauft er sich lose von der klassenlotterie
so viele er will jetzt schaut er nur mehr fern
und weiß auch was er redet und was er will)